Padayon nga ginapangita ang duha ka mga senior citizens nga na-missing bangud sa Bagyo Verbena sa Negros Oriental.
Ang isa ang residente sang La Libertad samtang ang isa naman ang gikan sa Bais City, Negros Oriental.
Sa interview sang Bombo Radyo Bacolod sa desk officer sang La Libertad Municipal Disaster Risk Reduction Management Office, nagtabok ang senior citizen sa suba apang ini ang naanod.
Ini ang nagalakat sa spill way sang gin-anod matapos nga nag-awas ang tubig sa suba.
Ini ang naanod sang pasado alas 5:00 ang takna sang hapon sang Nobyembre 24.
Una naman nga ginpaandaman sang mga residente nga ini na magtabok bangud mabaskog ang daludo sang tubig apang wala ini nagpamati kag nagtabok gid.
Suno sa desk officer subong nga adlaw ulihi na nga adlaw para sa search and retrieval sa missing person.
Nagapadayon man ang search and retrieval operations sang mga otoridad sa naanod man nga senior citizen sa Bais City sang Nobyembre 25 sang aga.
Suno sa desk officer sang Bais City Disaster Risk Reduction Management Office, sang Martes sang aga naanod ang senior citizen sang ini ang nagtabok sa dako nga suba sang Barangay Cambagahan, Bais City.
Suno diri, una nga gintabok sang senior citizen ang isa ka bata kag sang balikan na sini ang iya asawa agud nga patabukon, ini ang gin-anod na sang mabaskog nga daludo sang tubig.
Sa karun, nagapadayon ang search and retrieval operations sang mga otoridad sa naanod nga senior citizen.
