Ginsuspender sang Philippine National Police (PNP) ang permits to carry firearms outside of residence (PTCFORs) sa bilog nga Metro Manila bangud sa ikaduha nga Trillion Peso March.
Suno kay Acting PNP Chief Lt. Gen. Jose Melencio Nartatez Jr., magasugod ini sa Sabado, Nobyembre 29 tubtob Disyembre 1.
Ini ang nagapatimaan nga ang mga miyembro lamang sang Philippine National Police, Armed Forces of the Philippines kag pila ka mga law enforcement agencies nga nakaduty ang pahanugutan nga maghupot sang armas-luthang.
Una na nga ginpahayag sang PNP nga magadeploy sila sang masobra 15,000 ka mga personnel agud maghatag sang seguridad sa lugar bangud ginalauman nga ini ang pagatambungan sang masobra 300,000 ka mga persona nga magatambong sa bilog nga Metro Manila.
