Subong nga adlaw, ang Intertropical Convergence Zone (ITCZ), ang pagsugat-anay sang hangin gikan sa Northern kag Southern Hemisphere, ang padayun nga nagaapekto Southern Mindanao.
Samtang Ang Northeast Monsoon ukon Hangin Amihan naman ang nagaapekto sa Extreme Northern Luzon.
Sa nabilin nga bahin sang Pungsod, lauman ang tumalagsahon kag makadali lamang nga mga pag-ulan partikular na sa hapon tubtob sa gab-i tuga sang Localized Thunderstorms.
May-ara naman sang namonitor nga Low Pressure Area sa gwa sang Philippine Area of Responsibility.
Ang LPA ang ulihi nga nasiplatan sa 1,280 km sa nasidlangan sang Eastern Visayas.
Mataas naman ang tyansa nga ini ang mangin Bagyo sa masunod nga 24 tubtob 48 oras.
Sa pagsulod sini sa PAR bilang Bagyo, ini ang hingadlan nga Bagyo WILMA.
Sa forecast track sini, ginalantaw nga mahimo maglandfall ang Bagyo sa Eastern Visayas ukon sa Caraga.
Sa karun, indi pa maseguro ang hulag sini, apang ginapaandam na nga mangin maulanon na ang panahon partikular na sa Bicol Region, Eastern Visayas kag Mindanao sumugod sa Biyernes, tubtob na sa weekends.
Sa paglandfall, dako ang tyansa nga ang Bagyo ang liwat nga magatabok sa Visayas.
