Ginmando sang Office of the Ombudsman ang anum ka bulan nga suspension batok sa 12 ka mga opisyal sang Department of Public Works and Highways nga imbolbado sa maanomaliya nga flood control project sa Oriental Mindoro.
Ini ang ginkumpirmar ni Atty. Juanito Lim, abogado ni Department of Public Works and Highways (DPWH) maintenance division chief Juliet Calvo.
Ang nasambit nga mga opisyales ang ginalakipan nanday Grace Lopez kag Frierich Camero, ang Bids and Awards Committee sang nasambit nga proyekto sang DPWH-Mimaropa; Juliet Calvo; Gerald A. Pacanan (regional director); Gene Ryan Alurin Altea (assistant regional director, kag sa karun director sang DPWH Bureau of Maintenance); Ruben delos Santos Jr. (assistant regional director); Dominic Gregorio Serrano (chief, construction division); Felisardo Sevare Casuno (project engineer III); Timojen Adiong Sacar (materials engineer); Montrexis Tordecilla Tamayo (OIC‑chief, Planning and Design Division); Dennis Pelo Abagon (OIC‑chief, Quality Assurance and Hydrology Division; former regular member, Bidding and Awards Committee kag sa karun OIC‑chief sang Planning and Design Division); kag Lerma Dotado Cayco (accountant IV, Bidding and Awards Committee).
Suno kay Assistant Ombudsman Mico Clavano, kadungan man sini ang administrative case kag criminal case nga ginfile sa mga opisyal.
Ang nasambit nga suspension order ang santo sa rekomendasyon sang Independent Commission for Infrastructure (ICI) sang sila ang nag-imbestigar sa pila ka flood control project sa Mimaropa.
