Ginpahayag sang Civil Military Officer sang 79th Infantry Battalion sang Philippine Army nga indi military spy ang civilian nga ginpatay sang mga rebelde nga grupo sa banwa sang Calatrava, Negros Occidental sang Domingo, December 7, 2025.
Madumduman nga una nga nagluntad ang isa ka shooting incident alas 7:05 sang aga, Dominggo sa Sitio Tagda sa Barangay Dolis, Calatrava kag ang biktima ang isa ka 58 anyos nga lalaki nga si Armando Ogdamin.
Si Ogdamin ang nagahimos kuntani padulong sa simbahan sang hinali lang gintiro sang anum ka mga armado nga persona sa ulo sang makaduha ka beses.
Ang mga suspek ang nagpalagyo sa nabukid nga bahin sang Barangay.
Gilayon man nga ginrespondehan sang mga kapulisan sang Calatrava Municipal Police Station sa pagpanguna sang Acting Chief of Police nga si Police Captain Jesus Alba.
Sa interview sang Bombo Radyo Bacolod kay 1st Lt Fevie Fajardo, indi military spy si Armando Ogdamin bangud indi na ini kinahanglan sang militar.
Suno kay Fajardo ang bisan sin-o sa komunidad ang makareport kun may yara sang armado sa lugar.
Dugang pa sini nga wala sang kinamatarong ang NPA nga magpatay bisan pa nga military spy ini ukon indi.
Ginpahayag man nga suno sa mga NPA nga nag-ako sang pagpamatay nga una nagpalupok ang police nga napatay gani nagbalos lamang ang mga ini.
