Umpisahan na sang Department of Social Welfare and Development kag sang Bacolod City Local Government ang pay-out para sa Emergency Cash Transfer sang mga nahalitan sang Bagyo Tino sa Sabado, Disyembre 13.
Sa interview sang Bombo Radyo Bacolod kay Bacolod City Mayor Greg Gasataya, nagmeeting sila kaupod ang Deparment of Social Services Department (DSSD) kag ang DSWD kag gin-imbetahan man ang Liga sang Barangay angot sa Emergency Cash Transfer sa mga apektado sang Bagyo Tino.
Suno kay Gasataya may yara sang igarelease nga first batch sang pondo antes matapos ang semana samtang ang ikaduha nga batch sa early January apang tinguhaan nila nga makahatag antes matapos ang Disyembre kun makahingagaw sila sa pagliquidate.
Suno sa alkalde unahon gid sang nasambit nga ahensya nga mahatagan ang totally damaged nga balay gikan sa bisan ano nga Barangay kun sa diin nagdangat sa 3,430 ka pamilya.
Samtang ang patially damaged ang 14,823 ka pamilya nga slightly damaged ang balay nagikan sa Brgys. 1 tubtob 41 kag Alangilan, Alijis, Banago, Bata, Cabug, Estefania, kag Felisa ang makabaton sang P5,369 kada isa.
Dugang pa sini nga ang sa Barangay Granada tubtob sa Barangay Vista Alegre ang hatagan sa next batch.
Ginhimo nila ang arrangement agud nga masuguran na ang pagpanagtag sang ayuda sang mga nahalitan sang Bagyo.
Ang mga receipients ang ginvalidate sang Barangay kag ginvalidate man sang DSSD.
Suno sa alkalde nagapangabay sila sang paghangop sa mga pumuluyo bangud gintinguhaan man nila nga tingbon ang paghatag sang ayuda apang indi gid masarangan sang DSWD.
