Boluntaryo nga nagsurrender sa National Bureau of Investigation (NBI) ang walo ka opisyales sang Department of Public Works and Highways (DPWH) nga gina-alegar may kaangtanan sa “ghost infrastructure project” nga nagabalor sang P96.5 million sa Davao Occidental.
Ini ang ginkumpirmar sang NBI matapos nga nag-surrender ang kontratista nga si Sarah Discaya samtang ginahulat pa ang pagpagwa sang warrant of arrest batok sa iya.
Ang mga nagsurrender amo sanday District Engineer Rodrigo C. Larete, Assistant District Enginee Michael P. Awa, OIC-Chief Joel M. Lumogdang, Project Engineer Harold John E. Villaver, Chief, Quality Assurance Section Rafael C. Faunillan, Planning and Design Section Josephine C. Valdez, Chief, Maintenance Section Ranulfo A. Flores kag Chief, Finance Section Czar Ryan S. Ubungen.
Madumduman nga ginpasakaan sang Office of the Ombudsman sang kaso nga graft kag malversation si Discaya, tag-iya sang St. Timothy Construction, upod ang amo nga walo ka DPWH officials.
