Gintsekyar sang makadali ni President Ferdinand “Bongbong” Marcos Jr. ang progress sa ginapatigayon nga Oplan Kontra Baha sa Mambuloc Creek sa Brgy 2, Bacolod City.
Nahibaluan nga magatambong kuntani sa launching sang programa si Marcos sang tinalikdan apang ini ang wala madayun bangod sa pagsulod sang Bagyo WILMA.
Kaina una nga ginhapitan sang Presidente ang Mambuloc Creek antes nagpadulong sa Banago Port para sa unveiling sang bag-o nga port passenger terminal upod si Department of Public Works and Highways Secretary Vince Dizon kag iban pa nga opisyales.
Pag-abot sa Mambuloc Creek si Marcos ang ginsugata man nanday Bacolod City Mayor Greg Gasataya, Congressman Alfredo “Albee” Benitez kasubong man ni Baragay 2 Punong Barangay Imelda Banguangga.
Sa pag-abot, ang Presidente ang nagpatigayon sang makadali nga meet and greet sa mga nagbantay nga pumuluyo.
Kasunod sini, gintsekyar nila ang progress sang Oplan Kontra Baha operations, kun sa diin siya ang ginbriefing man sang alkalde.
Yara sa Mambuloc Creek ang isa ka amphibious dredger kag isa ka regular nga backhoe.
Suno kay Marcos, ang aktibidad ang ginsuguran sa Manila tubtob nga nakalab-ot sa Bacolod City.
Kaangay man nga focus ang paglimpyo sa mga creeks kag drainages.
Suno kay Marcos, sa pahayag sang mga scientist, pinaagi sa aktibidad mabuhinan ang posibilidad sang pagbaha sang 50 tubtob 60 porsyento.
