Ginbalik ni anay Department of Public Works and Highways (DPWH) director Engineer Gerard Opulencia ang P40 million nga restitution sini sa gobyerno.
Ang kwarta ang gintugyan sang anay opisyal sa Department of Justice sa pagpanguna ni Acting Justice Secretary Fredderick Vida bilang kabahin sang ginalauman nga P150 million nga kickbacks nga nakuha sa nagkalain-lain nga proyekto.
Ginpanindugan man ni Opulencia nga wala siya nakabaton sang kickbacks sa flood control projects sa Bulacan.
Sa karon ginatugyan man siya sang DOJ sa Witness Protection Program bangod importante ang iya testimonya bilang kabahin sang imbestigasyon.
Kaupod man sang anay opisyal bilang provisional members sanday Roberto Bernardo kag Henry Alcantara, nga nagbalik man sang P110 million kag ginapaabot nga magabalik pa sang dugang nga P200 million sa gobyerno.
