Gin-aresto sang National Bureau of Investigation (NBI) ang kontraktor nga si Sarah Discaya kagab-i, Disyembre 18, 2025 bangod sa kaso sang kurapsyon kag malversation of funds may kaangtanan sa P96.5 milyon nga flood control project sa Davao Occidental.
Ginkuhaan siya sang fingerprints kag ginpaidalom sa medical examination pagkatapos nga ginserbe sang NBI ang warrant of arrest.
Gindala si Discaya sa NBI Jail Facility sa Muntinlupa City.
Madumduman nga nagsungka si Discaya sa NBI sang nakaligad nga semana matapos nga maghatag sang pahayag si President Ferdinand “Bongbong” Marcos Jr. nga gilayon siya ipaaresto sa tion nga magwa ang warrant of arrest kaangot sa gina-alegar nga anomalya sa flood control projects.
Ginpasaka sang Office of the Ombudsman ang kaso sa Digos Regional Trial Court kag ginbalhin sa Lapu-Lapu Regional Trial Court.
Sa pihak nga bahin, ginpahayag ni President Ferdinand “Bongbong” Marcos Jr. kagab-i nga nagpagwa na ang korte sang warrant batok sa napulo ka mga involved sa P96.5 million nga ghost flood control project sa Davao Occidental kun sa diin nalakip diri si Sarah Discaya.
