Ginkakas sa puwesto ang 17 ka pulis nga nag-inom sang makahulubog nga ilimnon sa Christmas party sa sulod sang ila police station sa Eastern Samar.
Ang nasambit nga pulis ang halos tunga sang pwersa sang amo nga police station.
Suno kay Police Lieutenant Colonel Analoza Catilogo-Armeza sang Philippine National Police (PNP) Regional Public Information Office sa Eastern Visayas, ang mga ginkakas nga pulis ang nagikan sa Dolores Municipal Police Station.
Madasig nga naglapta sa social media ang pag-inom sang mga kapulisan sa sulod sang police station.
Suno kay Armeza, ginadumilian ang pag-inom sang makahulubog nga ilimnon sa sulod sang estasyon.
Upod sa mga ginkakas ang hepe kag isa ka non-uniformed personnel (NUP).
Bangud sini, ginpahayag ni Armeza nga may patigayunon nga reassignment sang ila mga tawo agud nga ma-islan ang mga napahalin nga pulis.
