Plano sang alkalde sang ciudad sang Cadiz nga pataposon lang ang holiday season antes papulion ang mga badjao nga nagalibot-libot sa ciudad.
Sa interview sang Bombo Radyo kay Cadiz City Mayor Salvador Escalante, Jr. nahibaluan sini nga may mga badjao nga nagarenta sang balay sa isa ka barangay kun sa diin didto sila tanan nagatipon kag nagatinir.
Suno diri, nahibaluan sini sa Punong Brgy nga may isa ka Cadiznon nga nakapamana sang badjao kag sang nagpauli ini sa ciudad, nag-upod ang iban nga pamilya sang iya bana.
Suno kay Escalante, nagapanagtag sang sobre ang mga badjao kag wala man sila nagapanakit kun indi paghatagan.
Pahayag sini, matapos ang holidays tiponon ang tanan nga badjao sa ciudad kag pasakyon sa bus padulong sa piyer agud mapapauli ang mga ini sa Mindanao.
