Positibo ang chairman sang Committee on Environment and Ecology sa Sangguniang Panlungsod sa nangin resulta sang bidding para sa bag-o nga garbage hauler kag collector sa ciudad.
Sa interview sang Bombo Radyo Bacolod kay Councilor Homer Bais, positibo siya sa resulta sang bidding bangud may bag-o na nga garbage collector/ hauler sa ciudad ini bangud nga tested kag proven na ang IPM Construction & Development Corporation (IPM CDC) ang indi maayo ang serbisyo.
Suno kay Bais bisan sa Manila gani gin-islan man sang Local Government Unit ang nasambit nga garbage hauler bangud sa indi man maayo nga serbisyo.
Suno diri ang bag-o nga garbage collector nga International Solid Waste Integrated Management Specialist (I-SWIMS) incorporated ang nagaserbisyo sa 17 ka Local Government Unit sa Metro Manila kag may maayo nga background sa garbage collection.
May yara ini sang sundon nga schedule sa pagkolekta sang basura santo sa ihatag sang Bacolod Environment and Natural Resources Office (BENRO).
Nagpanawagan man ini sa mga pumuluyo nga mangin responsable man sa paghaboy sang ila nga mga basura. Samtang, dako ang paglaom sang chairperson sang Committee on Ecology and Natural Resources sang Sangguniang Panlungsod sang ciudad sang Bacolod sa International Solid Waste Integrated Management Specialist (I-SWIMS) incorporated nga amo ang bag-o nga garbage collector kag garbage hauler para sa tuig 2026.
Sa interview sang Bombo Radyo kay Bacolod City Councilor Homer Bais, may resolution na sila nga gina-ayo kay Bacolod City Mayor Greg Gasataya nga i-hold anay ang payment sa IPM Construction and Development Corporation bangod sa bayolasyon sini.
Suno diri, ang wala nakolekta nga basura sa ciudad naga-reflect sa ila report kag ini ibutang sa penalidad sa IPM nga wala nagasunod sa kontrata.
Sa karun nga may duha na lang ka adlaw ang IPM para maghakot sang basura sa ciudad, wala sa gihapon untat ang reklamo sang tawo.
Pahayag sang konsehal, sa karun nga kontrata amo man sa gihapon ang budget apang mas dako na ang volume sang basura ang hakuton, kag may 60 ka garbage trucks ang gamiton kun sa diin 50 diri ang compactor, kag mas ginpasakaan ang penalidad sa mga violations.
