Negros Occidental Provincial Health Officer, ginadayaw ang inisyatibo sang kapulisan sa pagkumpiskar sang illegal nga palupok

Ginapakamaayo ni Negros Occidental Provincial Health Officer Dr. Girlie Pinongan ang programa sang kapulisan sa pagkumpiskar sang mga illegal nga palupok.

Sa interview kay Pinongan, ginpahayag sini nga kalabanan sa mga biktima sang palupok ang mga kabataan tubtob sa teenagers ukon 10 tubtob 20 anyos.

Pahanumdom sini nga indi nila luyag nga may madulaan sang tudlo sa pagsulod sang bag-ong tuig.

Ang pinakamasami nga makatuga sang firecracker related injuries amo ang triangulo.

Panugyan sang Provincial Health Officer nga kun may mabiktima sang palupok, gilayon nga magpadulong sa health facilities.