Senior Citizen nga nagdupla sang dahon nga napalid sa iya baba sa isa ka park, ginmultahan?

Ginmultahan ang 86 anyos nga Englishman matapos magdupla sang dahon nga napalid sa iya baba sang hangin sa Skegness, Lincolnshire.

Suno sa tigulang, ginpa-athag sini sa mga kapulisan ang natabo apang ginmultahan ini sang kapin P20,000.

Suno kay Roy Marsh, nagapungko ini sa park sang naghangin sang matudo kag may dahon nga nagtupa sa iya baba.

Gindupla sini ang dahon kag nagtindog para maglakat apang may duha ka lalaki nga enforcement officer nga nagpalapit sa iya.

Samtang, suno sa bata sini nga si Jane Fitzpatrick, may severe asthma kag heart condition ang iya amay kag maayo lamang nga nadupla sini ang dahon nga rason nga nadunlan ini.

Ginpakita pa sang iya amay ang dahon nga gindupla sini apang siya ang ginmultahan sa gihapon.