Pilason ang isa ka lalaki matapos ginbuno sang iya nga bayaw sa banwa sang La Castellana, kahapon, Enero 4.
Sa interview sang Bombo Radyo kay Police Captain Jose Michael Muñez, hepe sang La Castellana Municipal Police Station, ginkilala ang biktima nga si Edgardo Iligan, 42-anyos, lalaki, kasado kag residente sang Hacienda Hanoban, Barangay Sag-ang, La Castellana, Negros Occidental samtang ang suspect naman ang gikilala nga si Arnie Padrones, 48-anyos, lalaki, kag residente sa nasambit nga lugar.
Suno kay Muñez, ang biktima ang nagpangihi sa gwa sang iya balay sang kaagahon sang hinali lang ini nga ginbuno sang suspect gamit ang gunting.
Suno diri, ang suspect ang yara sa impluwensya sang makahulubog nga ilimnon.
Ginapatihan nga bangod ginahambalan sang mga malain nga tinaga sang biktima ang suspect, rason nga nangutos ini kag nagresulta sa pagpamuno.
Ang biktima ang nakaagom sang pilas sa nawala nga bahin sang lawas.
Gilayon nga gindala ang biktima sa Rural Health Unit (RHU) kag gin-refer sa Corazon Locsin Memorial Hospital sa Bacolod City para sa nagakaigo nga pagbulong.
Samtang, ang suspect ang naaresto sa ginpatigayon nga hot pursuit operation sang La Castellana Municipal Police Station.
