Ginpanindugan sang Philippine National Police ang ila nga commitment sa disiplina, professionalism, kag ethical conduct bilang nagapanguna nga pundasyon sang police service.
Ini kasunod sang natabo nga pagluthang patay ni Police Staff Sgt Bonifacio Saycon, sang Sibulan Municipal Police Station sa bar attendant nga si Chiela Mae Dinawanao sa SAB Resto Bar.
Kasubong man ang pagpatay sini sa ila hepe nga si Police Captain Jose Edrohil Cimafranca, upod kanday Police Senior Master Sgt Tristan Chua kag Patrolman Rey Albert Temblor.
Sa statement nga ginpagwa sang PNP, sa pagpamuno ni PNP Acting Chief Police Lt Gen Melencio Nartatez Jr. ang PNP Code of Professional Conduct and Ethical Standars ang ginasunod sang tanan nga police personnel agud nga maprotektahan ang integridad sang organisasyon kag makuha ang pagsalig sang publiko.
Nagapabilin man ang polisa sang PNP nga wala nagatolerar sang immoral, illegal, ukon unethical nga mga buluhaton nga makaguba sang imahen sang ila pagserbisyo kag sang public confidence.
Ginapahanundom ni Nartatez sa tanan nga PNP personnel nga ginalauman sa ila nga mapabilin nga physically, emotionally kag psychologically fit sa pagtuman sang ila trabaho sa tanan nga tion.
Suno diri, ano man nga mga tikang nga nagapakita sang indi husto nga judgement, mahina nga kontrol, ukon makatuga sang risgo sa iban ang indi mabatunan sa PNP.
Dugang pa sini nga kinahanglan gid ang police authority partikular na sa paghupot sang armas-luthang kag sa pagpatuman sang ila gahom, dapat man nga mapabilin ang restrain, vigilance kag full accountability.
Pahanumdom sini nga ang command responsibility ang aplikable sa tanan nga lebel, kag ang kapaslawan sa pagpatuman sang standards ang may patubangon nga penalidad santo sa layi.
Dugang pa sini nga ang pagsuksok sang police uniform ang may kaupod nga dako nga responsibilidad.
Pahanumdom ni Nartatez nga ang disiplina, accountability kag integridad ang non-negotiable sa pagseguro nga ang organisasyon ang magpabilin nga masaligan sang mga Pilipino.
