Alas-3:00 kaina sang kaagahon, ulihi nga namonitor ang Low Pressure Area (LPA) sa 755 km sa nasidlangan sang Davao City.
Samtang ang Northeast Monsoon ukon Hangin Amihan ang makaapekto naman sa Northern Luzon.
Lauman ang lapnagon nga mga pag-ulan sa Eastern Visayas, Davao Region, Caraga, Camiguin, Misamis Oriental, kag Bukidnon bangod sa Trough ukon ikog sang LPA.
Sa masunod nga 24 oras, mataas na ang tyansa nga ini ang mangin Bagyo.
Hinali nga mangin Bagyo, ini ang hingadlan nga Bagyo ADA, ang una nga Bagyo subong nga 2026
Subong nga Miyerkules, makabatyag man sang mga pag-ulan sa Cagayan, Isabela, kag Aurora dala sang Amihan.
Mahinay nga mga pag-ulan naman ang malauman sa Cordillera Administrative Region kag nabilin nga bahin sang Cagayan Valley nga epekto gihapon sang Amihan.
Mangin makanay na ang panahon sa nabilin nga bahin sang pungsod, luwas sa mga tumalagsahon kag makadali nga mga pag-ulan nga matuga sang Amihan, Easterlies ukon ang mainit nga hangin gikan sa Dagat Pacifico kag Localized Thunderstorms.
