Nagapadayon ang backfilling kag soil covering sa sanitary landfill sa ciudad sang Bacolod.
Sa interview sang Bombo Radyo Bacolod kay Mario Sandil, Operations Head sang International Solid Waste Integrated Management Specialists Inc. (ISWIM), posible nga matabo ang pagcollapse sang landfill kun wala nahingagaw ang pag-compact ukon pagtapan sang duta nga ginatampok sa mga basura.
Suno kay Sandil, gina-compact ukon ginatapan ang mga basura agud nga kun mag-ulan indi matiphag ang landfill.
Pasalig sini nga kompleto ang personnel nga nagakolekta sang basura.
Suno diri, 280 ka collectors kag 60 ka drivers ang nagahakot kag nagahaboy sang basura sa landfill.
Sa bahin sang soil covering, sila ang nagagamit sang volcanic soil agud nga mapadasig ang paghugot kag indi gilayon mabasa, gani mas epektibo ini sa pagtapan sang basura.
