Wala sang reported nga Pilipino nga nalakip sa mga biktima sa nagluntad nga landslide sa West Java, Indonesia.
Suno sa Philippine Embassy in Indonesia, may yara sila sang koordinasyon sa Indonesian National Search and Rescue Agency kag sa Filipino community sa Bandung, West Java.
Suno sa embahada, walo ka tawo ang napatay sa landslide kun sa diin 113 ka pamilya ang apektado.
82 sa karun ang nagapabilin nga missing samtang 23 naman ang luwas na sa katalagman.
Ang landslide nagluntad kasunod sa pagbubo sang madamol nga pag-ulan.
Sa karun napaidalom na sa emergency alert status ang area.
Padayon ang pagmonitor sang embahada sa sitwasyon sang mga Pilipino samtang nagapadayon ang search and rescue operations sang Indonesian authorities sa pagrecover sa mga survivors.
Mahimo sang mga Pilipino magcontact sa embassy sa Whatsapp hotline number +62 811 887 344 sa mga impormasyon ukon kinahanglan nga assistance.
