Padayon ang Mayon Volcano sa Albay sa effusive eruption sa sulod na sang 19 ka sunod-sunod nga adlaw matapos nga maobserbahan sang Philippine Institute of Volcanology and Seismology (PHIVOLCS) ang crater glow, kagab-i.
Kahapon sang aga, naobserbahan man ang lava flow kag crater glow sa bulkan.
Narecord sang PHIVOLCS ang isa ka volcanic earthquake, nagapadayon nga tremor, 253 rockfall events, kag 44 pyroclastic density currents (PDCs) ukon “uson.”
Nagsaka ang plumes sa 600 meters sa ibabaw sang baba sang Bulkan kag ini ang padulong sa southwest kag northeast direction.
Dugang pa sang ahensya nga ang bulkan ang nagpagwa sang 2,327 tons sang sulfur dioxide flux kada adlaw.
Sang Sabado sang gab-i ginreport sang PHIVOLCS nga ang lava flow gikan sa summit crater sang Bulkan ang naglab-ot sa distansya nga 1.3 tubtob 3.2 kilometers downslope sang Mi-isi, Bonga, kag Basud Gullies.
