Patay ang 74-anyos nga babayi matapos ginluthang sang mga armado nga grupo sa Purok Halimbawa, Brgy. Tapi, Kabankalan City, Negros Occidental alas-7:30 sang gab-i sang Martes, Pebrero 3.
Ginkilala ang biktima nga si alyas “nora”, kasado kag residente sa nasambit nga lugar.
Sa inisyal nga impormasyon, pasado alas-7:00 sang gab-i, nag-abot ang tatlo ka wala makilal-an nga mga armado nga mga lalaki sa balay sang biktima// Nagpalapit ang isa sa mga suspek sa bana sang biktima kag namangkot kun diin ang iya nga asawa kag gilayon man nga gin-updan sini ang mga suspek padulong sa balay sang utod sang biktima.
Sang yara na sa balay, ang biktima ang ginhambalan nga maggwa sa balay kag naghambal ang mga suspetsado nga “NPA kami”.
Sang wala magdugay, may nabatian nga paglupok sang armas-luthang kag nakita ang biktima nga yara na sa salog kag may igo sa bala sa ulo.
Gilayon naman nga nagpalagyo ang mga suspetsado matapos ang krimen.
Ang bangkay sang biktima ang gindala sa SOLA Gracia Funeral Homes para sa post-mortem examination.
Sa karun, padayon pa ang imbestigasyon sang mga otoridad agud matumod ang motibo sang krimen.
