May kabug-usan nga 15 ka mga local goverment unit(LGU) sa probinsya sang Negros Occidental ang nagpatigayon sang pre-emptive evacuation bangud sa bagyo Basyang.
Nalakip diri ang San Carlos City, Calatrava, Toboso, Escalante, Cadiz City, EB Magalona, Bago City, La Carlota City, Hinagaran, Isabella, La Castellana, Himamaylan City, Cauayan kag Hinoba-an.
Sa interview sang Bombo Radyo kay Irene Bel Plotena, head sang Negros Occidental Provincial Disaster Risk Reduction and Management Office (PDDRMO), base sa datos kahapon, naglab-ot na sa 1,171 ka pamilya ukon 3, 675 ka mga indibidwal ang yara sa nagkalain-lain nga evauation area.
Samtang, 1,395 ka pamilya naman ukon 4, 462 ka mga indibidwal ang apektado sa amo nga bagyo.
Suno kay Plotena, may ara lang sang isa ka muddy stream flow nga narekord sa ibid creek sa bahin sa banwa sang La Castellana apang hugot naman ini nga ginamonitor sang LGU ang amo nga area.
Suspendido naman ang tanan nga lebel sang klase sa Calatrava, Escalante, Don Salvador, San Carlos, Toboso, Cadiz City, Manapla, Sagay, EB Magalona, Murcia, Silay, Talisay, Victorias, La Carlota, Pontevedra, Pulupandan, Valladolid, Binalbagan, Himamaylan, Hinagaran, Isabela, La Castellana, Moises Padilla, Candoni, Cauayan, Hinoba-an, Ilog, Kabankalan kag Sipalay maluwas lang sa banwa sang San Enrique nga wala nagsuspende.
Samtang, wala naman sang may narekord nga pagbaha kag normal ang level sa pila ka mga suba sa probinsya.
