Senate resolution nga nagapamatok sa operasyon sang China sa WPS, “anti-China” kag pamulitika lamang – Chinese Embassy spokesperson Ji Lingpeng

Ginkondenar sang China ang Senate resolution nga nagabatikos sa mga pahayag sang Chinese Embassy batok sa mga opisyal sang Pilipinas kag nagadumili sa mga operasyon sang Beijing sa West Philippine Sea.

Gintawag ini sang China nga “anti-China” kag pamulitika lamang.

Gin-akusaran ni Chinese Embassy spokesperson Ji Lingpeng ang mga Senador sang Pilipinas nga wala makahangop sang diplomasya, ginahadlok ang mga Chinese diplomat, kag para lamang tanan sa personal nga interes sa pulitika.

Panindugan sini nga ang lihok ang indi makapahuyang sa determinasyon sang China para sa padayunon nga kooperasyon sang duha ka pungsod.

Samtang naghatag man sang statement sanday Senate President Vicente Sotto III kag Senator Francis Pangilinan nga author sang resolusyon.

Suno sa duha, ang mga pahayag sang China ang wala sang pagtahod, nagalapas sa mga pagsulondan sa diplomasya sa idalom sang Vienna Convention, kag makabig nga pagpasilabot sa problema sa pulitika sa Pilipinas.

Ginapangabay sang Senado nga ang Department of Foreign Affairs ang magtukod sang mga diplomatiko nga tikang agud mapakigbato ang dignidad sang pungsod, samtang nagapadayon ang tensyon sa tunga sang Manila kag Beijing natuhoy sa West Philippine Sea.