Nagapati si Senator Erwin Tulfo nga mangin dako nga kahuy-anan para sa Senado kun may yara sang kudeta sa liderato sini agud mabalabagan ang impeachment proceedings batok kay Vice President Sara Duterte.
Ini kasunod sang nagagwa nga istorya nga ginaalegar plano nga kakason si Senate President Vicente Sotto III antes pa man mapadala sa Senado ang Articles of Impeachment naggikan sa House of Representatives.
Suno sa senador, mabudlay ini ipaathag sa publiko kun ngaa nagakinahanglan sang pagbag-o sa liderato kadungan sang ginapaabot nga impeachment trial.
Para kay Tulfo, indi dapat gamiton ang pagbaylo sang liderato agud ma-delay ukon mapunggan ang constitutional process sang impeachment.
Suno diri, mas maayo nga pabay-an na lamang nga maghulag ang trial agud mahatagan sang tsansa ang bise presidente nga sabton ang mga alegasyon batok sa iya.
