Tatlo na lamang ka pirma ang kulang sa siyam nga kinahanglan para sa partial committee report sang Senate Blue Ribbon Committee angot sa imbestigasyon sa anomalous flood control projects nga isumiter sa plenaryo suno kay Senate President Pro Tempore Panfilo “Ping” Lacson.
Lakip sa mga nagpirma sa partial committee report amo sanday Senate President Vicente Sotto III, Committee Chair Senator Ping Lacson, Vice Chairman Erwin Tulfo, Sen. Bam Aquino, Sen. Risa Hontiveros, kag Sen. Kiko Pangilinan.
Apisar indi katapo sang komite, gintugutan si Sotto nga magpirma bilang ex-officio.
Suno kay Sen.Lacson, duha pa ka mga Senador ang nagpabutyag nga handa magpirma.
May pila naman ka mga miyembro ang nagaduha-duha nga magpirma ukon magbawi sang pirma bangud sa “entreaty” sang ila mga kaupod sadto sa majority bloc.
Apang ginpanindugan ni Sen. Lacson nga indi siya magpamilit sa iban, samtang handa naman si SP Sotto nga magbulig makakuha sang dugang nga suporta.
Madumduman nga una na nga ginsuspender ang hearing sa nasambit nga isyu bangud suno kay Lacson, wala sang pulos ang pagpadayon sini kun wala sang committee report nga ipresentar.
