Nagdangat na sa indi magnubo 51 ka mga estudyante ang napatay matapos ang ginpatigayon nga airstrike sang Israel sa isa ka elementary girls’ school sa Minab, sa probinsya sang Hormozgan sa southern Iran.
Santo sa state reports sang Iran, naglab-ot na sa masobra 40 ang kumpirmado nga napatay sa amo nga pagpang-atake, nga ginakabig nga “civilian target.”
Luwas sini, nareport nga may duha pa ka estudyante nga napatay sa separado nga Israeli strike nga nag-igo sa isa ka buluthuan sa Tehran.
Ang pag-atake sa nasambit nga buluthuan ang ginpahayag nga mahimo nga magdala sang mas dako nga kontrobersiya sa pagpangbomba sang Israel kag sang US.
Nagpasalig naman si U.S. President Donald Trump nga maghatag sang bulig para sa mga pumuluyo sang Iran apang ang pagsaka sang mga sibilyan nga nagkalapatay ang ginpahayag sang pamunuan sang Iran bilang paglapas sa international law kag isa ka aregasyon sa ila nga nasakupan.
Samtang, suno sa Ministry of Health and Medical Education ng Iran, linibo-libo nga mga sibilyan ang napatay ukon nasamaran kadungan sa pagkaguba sang pila ka mga imprastraktura sa sulod sang 12 ka adlaw nga inaway sa tunga sang America kag Israel batok sa Iran sang nakaligad nga Hunyo 2025.
