Isa ka drone attack ang nag-igo sa British air base nga RAF Akrotiri sa Cyprus kahapon sang gab-i nga nagresulta sang limitado nga halit kag wala sang may nasamaran.
Ginkabig ini nga paglala sang tensyon may kaangtanan sa Iran kag naulamid ang isa ka membro sang European Union.
Suno sa mga opisyal sang Cyprus, posible nga ang gin-gamit amo ang Iranian-made nga Shahed drone nga ginpalupok sang Iran-backed nga grupo nga Hezbollah naggikan sa Lebanon.
Ginpahayag nila nga ang target amo ang British base kag indi ang Cyprus mismo.
Wala ini madali ma-detect bangod sa manubo sini nga paglupad.
Sa masunod nga adlaw, may duha pa gid ka drone nga nakit-an nagapadulong sa base, nga nagresulta sa pagpatingog sang mga sirena kag madasig nga pagresponde sang militar.
Apang antes pa ini makahugpa, pareho ini nga na-intercept kag napunggan.
