4-day work week, temporaryo nga ipatuman sa pila ka government offices

Temporaryo nga ipatuman sang gobyerno ang four-day work week sa pila ka mga talatapan nga maga-umpisa sa Marso 9, 2026.

Apang ginpaathag ni Presidente Ferdinand “Bongbong” Marcos Jr. nga indi kabahin diri ang mga yara sa frontline services kaangay sang kapulisan kag bumbero.

Magluwas diri, ginmando man sang presidente ang tanan nga ahensya sang gobyerno nga magtipid sa konsumo sa kuryente kag produktong petrolyo kag temporaryo nga igabawal ang mga indi kinahanglanon nga byahe kag mga aktibidad sang gobyerno.

Nagpagwa na sang memorandum circular ang palasyo nga ginpirmahan ni Executive Secretary Ralph Recto angot sa four-day work week.