-- ADVERTISEMENT --
Nakapauli na sa Pilipinas ang 34 ka overseas Filipino workers (OFWs) naggikan sa Dubai nga naipit sa nagapadayon nga kinagamo sa Middle East.
Ginkumpirmar sang Department of Migrant Workers (DMW), nga ila mismo gin-abi-abi ang mga OFW nga nag-abot kagapon, Biyernes, sa Ninoy Aquino International Airport (NAIA) Terminal 3 sa Pasay City.
Ang luwas nga pagbyahe sang mga OFW ang natuman pinaagi sa Emirates Flight EK 336.
Sa ila pag-abot sa Pilipinas, nakabaton sila sang bulig kag iban pa nga suporta gikan sa gobyerno.
