Kapulisan, padayun ang backtracking agud matumod ang mga suspect sa pagsalvage sa notorious nga scammer nga ginhal-id sa Talisay City

Padayon ang backtracking sang mga kapulisan sang Talisay City agud nga matumod ang nag-salvage sa isa ka lalaki kag naghal-id sa Hda. Otilia Lacson, Brgy. Efigenio Lizares Talisay City, Negros Occidental sang Marso 10, 2026.

Sa interview sang Bombo Radyo Bacolod kay Police Major Rhazl Jim Jocson, deputy chief of Police sang Talisay City Police Station, ginahulat pa nila ang final report sang Scene of the Crime Operation tuhoy sa rasun sa kamatayon sang biktima.

Sila ang nagatsekyar naman sa mga posible gin-agyan sang suspect.

Nahibaluan nga ang ginhal-iran sang bangkay ang madulom nga area, wala sang pamalay kag wala man sang naka-install nga CCTV.

Padayon man ang ila nga imbestigasyon agud nga masolbar ang kaso.