Nakagwa na ospital kag nagapaayo sa ila balay ang babayi nga biktima sa nagluntad nga shooting incident sa Mag-aso Falls, Brgy. Oringao, Kabankalan City, Negros Occidental sang Marso 8, 2026.
Sa interview sang Bombo Radyo Bacolod kay Police Lt Gilbert Alunan, Deputy Chief of Police sang Kabankalan City Police Station, nagapaayo na ang babayi nga biktima apang ang lalaki nga kaupod sini ang napatay.
Suno kay Alunan, ginpadulungan sang mga kapulisan ang babayi sa ila balay kag ginkuhaan sang statement.
Madumduman nga ginsugat sang suspek ang babayi nga biktima apang nakita niya ini nga nagasandig sa lalaki.
Bangud sa nakita nagpangimon ini nga nagresulta sa pagtiro niya sa duha ka mga biktima kag gilayon man nga nagpalagyo sa wala mahibaluan nga diresyon.
Suno kay Alunan, ang biktima nga babayi kag ang suspek ang madugay naman nga kilalahay kag ang lalaki nga biktima ang abyan sang babayi.
Murder kag Frustrated murder ang pangatubangon nga kaso sang suspek nga tubtob sa karun ginaayam pa sang mga kapulisan.
