Ginbakal ni Batangas 1st District Rep. Leandro Leviste ang isa ka historical house sa Germany bangud sa sobra nga pagpalangga sini sa maragtas sang Pilipinas kag sa cultural heritage sini.
Ang nasambit nga balay ang may madako nga bahin sang maragtas sang Pilipinas bangud ginapatihan nga diri gintapos sang Pambansang Bayani nga si Dr. Jose Rizal ang isa sa iya mga obra nga amo ang Noli Me Tangere.
Ang bigtime purchase nga ini sang mamalidha ang iya ginpakigbahin sa iya nga social media account kahapon samtang wala sang detalye kun pila ang balor sini.
Suno kay Leviste, tinutuyo sini nga halongan kag mas pasanyugon pa gid ang mga historic sites nga kabahin sang Philippine History.
Samtang makit-an ang balay sa Wilhemsfeld, Germany, nga luyag ni Leviste nga pagahimuon bilang museo nga amo man ang suhestyon sang iya iloy nga si Sen. Loren Legarda.
