Padayon nga nagakoordinar ang Department Of Social Services & Development (DSSD) sa Department of Social Welfare and Development (DSWD) central office paagi sa DSWD- Negros Island Region angot sa fuel subsidy nga mahatag sa mga drivers kag operators nga apektado sang padayon nga pagsaka sang presyo sang produktong petrolyo.
Sa interview sang Bombo Radyo Bacolod kay Dr. Richelle Verdeprado Mangga, head sang DSSD, wala pa sang official communication halin sa central office kag wala pa sang pondo sa pag-implementar sini para sa mga affected drivers kag operators.
Suno diri, may yara na sang guidelines para sa fuel subsidy apang wala pa sang communication sa process sini kag timeline.
Ang paghatag sang fuel subsidy ipaagi sa Assistance to Individuals in Crisis Situations (AICS) nga programa sang departamento.
