Nagpasalig ang Bacolod City Police Office nga bisan nagsaka ang presyo sang produktong petrolyo, indi maapektohan ang police visibility.
Sa interview sang Bombo Radyo Bacolod kay Bacolod City Police Office Spokesperson Police Captain Dax Santillan, antes pa man nagluntad ang giyera sa Middle East, nagconduct na sang meeting ang Philippine National Police bilang preparasyon.
Suno diri, apektado ang tanan sa pagsaka sang presyo sang balaklon kag ginalauman na nga may matabo nga crimes against property.
Apang sa karun manubo ang narecord nga crime incident sa ciudad kag ini below average lamang kag manageable.
Suno kay Santillan, indi maapektohan ang police visibility bisan nga may oil price hike bangod may yara man sang mahimo nga foot patrol.
Samtang, may yara man sang proposal nga bicycle patrol nga tun-an anay kun ini ang masarangan maipatuman.
