Nagpabutyag sang kahangawa ang pila ka mga transport leaders sa Land Transportation Franchising and Regulatory Board kasunod sa pagsumiter sang Cebu people’s multi purpose cooperative (CPMPC) sang notice of bankruptcy.
Sa interview sang Bombo Radyo kay Councilor Atty Dindo Ramos, chairperson sa Committee on Transportation and Traffic sa Sangguniang Panlungsod, nagpetisyon ang mga transport leaders nga apektado sila sa kapierdehan sang (CPMPC).
Ginakahangawa sang transport leaders ang kakulangan sang units nga nagabyahe sa ruta nga Fortune Town – Central Market kag mahimo nga may bag-o nga units nga magkuha sa ruta.
Suno sa konsehal, gin-endorso na sini sa LTFRB ang petisyon kag ginahulat na lang ang rekomendasyon kun ano ang mahimo nga tikang apang nagpasalig si Ramos nga siya magapangita man sang solusyon sa problema.
