Matapos ang kadalag-an batok sa Uzbekistan sa 2026 AFC Women’s Asian Cup, liwat nga nakasulod ang Philippine Women’s National Football Team nga Filipinas sa 2027 FIFA Women’s World Cup.
Ini ang ikaduha na ka beses nga nalakip ang team Filipinas sa pinakadako nga hinampang sa football sa bug-os nga kalibutan, matapos ang ila nga debut sang 2023.
Santo sa datos sang Asian Football Confederation (AFC), nakatapos ang Filipinas sa quarterfinals sang Asian Cup, rason nga nakakuha sila direkta nga ticket sa World Cup.
Sa karon, yara ang Filipinas sa top 50 sang FIFA Women’s World Rankings.
Dugang pa diri, 35 percent ang ginsaka sang numero sang kababainhan nga nagahampang sang football sa Pilipinas humalin sang 2023 tubtob 2025, ini santo sa Philippine Football Federation (PFF).
Ginakabig ini sang mga observers bilang madako nga tikang para sa women’s sports sa pungsod, bangud magluwas sa prestihiyoso nga World Cup slot, nagbukas man ini sang mas madamo nga oportunidad para sa grassroots development kag suporta gikan sa private sectors.
