Nagpanawagan si Senator Risa Hontiveros nga ilakip man ang mga transport cooperatives sa ayuda sang gobyerno.
Suno sa Senadora, wala sang bulig nga nagakadto sa mga kooperatiba gani madamo sang driver nga indi makabiyahe, ilabi na sang ginkanselar ang pagpasaka sang plete.
Pahayag ni Hontiveros, dapat suportaran ang kabug-usan nga transport service providers, agud malikawan nga ma-paralyze ang pampubliko nga transportasyon sang pungsod.
Dugang pa niya, ang ayuda ang dapat makadto sa tanan nga sahi sang PUV drivers, apisar wala sila nalakip sa pinaka-imol, bangud kinahanglan man nila sang bulig.
Bilang sabat, naghingyo si Sen. Hontiveros sa Department of Budget and Management (DBM) nga tun-an kun paano magamit ang P30 billion nga pondi sang Department of Social Welfare and Development (DSWD) sa programa sini nga Assistance to Individuals in Crisis Situation (AICS), dugang pa ang iya proposal nga supplemental budget nga P52.8 billion nga ginalakipan sang P12 billion transport subsidy para sa mga PUV drivers, delivery riders, at TNVS drivers.
Apisar ginkansela ni President Ferdinand Marcos Jr. ang one-peso fare hike, nagpagwa ini sang P21.47 billion para sa fuel subsidies sang mga driver.
