Gintawag ni Manila 3rd District Representative Joel Chua ang atensyon sang mga oil companies nga nagapasaka na sang presyo sang produktong petrolyo apisar nga nabakal nila ang supply antes pa man natabo ang konflikto sa Middle East.
Suno kay Chua, ginakwestyon sang mga consumers kun ngaa ang presyo sang produktong petrolyo ang kaangay nagasanto kun san-o nagluntad ang giyera sa Middle East apang ang mga supply nila ang nabakal sa barato nga presyo pa sadto.
Suno diri kun ang oil companies nagaginansya sa pagbaligya sa mataas nga presyo, nagakaangay lamang nga ang excess earnings ibalik sa mga consumers paagi sa rebates.
Pahayag sini, wala siya nagapamatok sa patas nga pagnegosyo apang kun ang ginansya naghalin sa pagpabudlay sa pumuluyo, indi na ini matawag nga negosyo apang ini ang makabig na nga pagpamintaha.
