Ginalauman nga maeksperyensyahan ang pagsaka sang presyo sang abono sa masunod nga ani sang humay, ini santo sa Federation of Free Farmers Cooperative (FFFC).
Suno diri, ang pagsaka sang presyo sang abono ang mahimo magpasaka sang production costs sang mangunguma ukon mapilitan sila nga magkinot sa paggamit sini, nga magaresulta naman sang gamay nga ani.
Suno sa FFFC, ang epekto ang mabatyagan sa sulod sang tatlo tubtob apat ka bulan kun tyempo na sang pag-ani.
Madumduman nga nagpahayag si Agriculture Secretary Francisco Tiu Laurel Jr. nga ang presyo sang abono ang nagdoble humalin sa $400 tubtob $800 kada tonelada sa tunga sang nagapadayon nga krisis.
Dugang pa diri, nakighinun-anon ang gobyerno sa India, RussIa, kag Belarus agud masiguro nga may supisyente nga suplay sang abono.
