50-50 ang isa ka commuter kun ini ang magasuporta sa transport strike ukon indi.
Alas-5:00 sang aga pa lamang, amat-amat na nga nagtipon sa idalom sang Bata flyover ang mga driver kag operators sang traditional jeepneys kag iban pa nga nagasuporta sa ila, para sa pagpatigayon sang transport strike.
Ang mga ini ang gikan pa sa nagkalainlain nga routa kaangay sang Bata. Mandalagan, Shopping, Homesite, Mansilingan kag iban pa.
Sa interview sang Bombo Radyo Bacolod kay John Carlo, siya ang residente sa Brgy Bata, kag naglakat na lamang padulong sa Bata flyover bangod wala na sang nagabyahe nga jeep.
Nakahibalo man ini nga may transport strike gani hungod ini nga nagpatemprano sa paghalin sa balay.
Siya ang magapadulong sa Corazon Locsin Montelibano Memorial Regional Hospital.
Alas-6:30 sang aga, may mga nagabyahe paman nga modenized jeepneys kag nagalibot man ang Libre Sakay sang nagkalainlain nga ahensya sa ciudad sang Bacolod.
Suno kay John Carlo, 50-50 ang iya nga suporta bangod suportado man sini ang panawagan batok sa tuman nga pagsaka sa presyo sang gatong, apang suno diri, padayun ang trabaho gani apektado naman diri ang madamo nga commuters.
