Para sa Negrosanon Initiative for Climate and the Environment (NICE) ang pagpatigayon sang Earth Hour nagapakita sang pagprotekta sa planeta kag bwas damlag sang masunod nga henerasyon.
Sa interview sang Bombo Radyo kay Gwen Loraine Manalo Encolesio, ang pagswitch off sang suga nagapakita sang commitment sa pagsuporta sang mga buluthuan, gobyerno kag nagkalain-lain nga organisasyon sa pagprotekta sa Earth.
Suno diri, iya ginakalipay nga ang mga pamatan-on may mataas na nga lebel sang awareness para mabuligan ang planeta.
Kagab-i alas 8:30 tubtob alas- 9:30 may ginpatigayon nga switch off ceremony sa capitol lagoon kag may yara man sang programa para mapakita ang kultura kag talento nga naga-angot sa pagprotekta sa environment.
Pahayag sini, importante nga mangin aware ang kada isa sa environmental issues kag makig-angot sa pagprotekta sa palibot.
