-- ADVERTISEMENT --
Natalana nga magpagwa ang Appeals Chamber sang International Criminal Court (ICC) sang ila nga desisyon sa jurisdiction ni anay Presidente Rodrigo Duterte sa Abril 22.
Suno sa Appeals Chamber, e-release nila ang desisyon sa Abril 22 alas-5:00 sang hapon, oras sa Pilipinas.
Una na nga nag-apelar ang legal team sang anay presidente nga ginakwestyon ang desisyon sang Pre-Trial Chamber I nga pahanugutan ang ICC prosecutor nga ipadayon ang hearing sa kaso nga crime against humanity ni Duterte.
Suno sa kampo ni Duterte, wala sang otoridad ang ICC para mag-imbestiga sa krimen nga natabo sa Pilipinas bangud nag-withdraw na ang pungsod sa Rome Statute sang tinalikdan pa nga 2019.
