Ginserbehan sang Land Transportation Office – Negros Island Region (LTO-NIR) sa idalum sang supervision ni OIC Regional Director Jeck D. Conlu kaupod ang LTO- NIR Intelligence and Investigation Unit (IIU) sang Show Cause Order ang vlogger kasunod sang insidente sang gina-alegar nga unsafe driving practices sa Dumaguete City.
Paagi sa koordinasyon sa Tanjay City Police Station, nagpadulong ang LTO-NIR personnel sa nabukid nga bahin sang Novallas, Tanjay City nga nakasaad sa ginreport nga address.
Ang subject ang na-locate sa Dumaguete City kag natigayon nga maserbe ang nasambit nga order.
Ini ang nag-ugat sa reklamo sa gina-alegar nga indibidwal nga nagamaneho sang salakyan (Plate No. NEA7618) ang nagarekord sang vlog content kag wala nagasuksok sang seatbelt.
Ang ginhimo sang driver ang paglapas sa Republic Act No. 4136 (Reckless Driving) and Republic Act No. 8750 (Seat Belt Use Act).
Ang respondent ang ginmanduan nga magpadulong sa LTO-NIR Regional Office sa Bacolod City sa sulod sang lima ka adlaw kag magpasa sang written explanation.
Sa tion nga mapaslawan ini sa pag-comply, magaresuta sa further proceedings.
Gin-reiterate sang LTO-NIR ang commitment sini sa road safety kag ginapanugyanan ang mga motorista nga mag-focus kag mangin responsable samtang naga-drive.
