Linibo ka mga fans ni Michael Jackson ang nagtipon sa Berlin para sa international premiere sang biopic nga “Michael” kun sa diin ang main character amo ang hinablos sang King of Pop.
Suno kay Jaafar Jackson, naga-edad siya sang 12 sang nagtaliwan ang iya tiyo sang tuig 2009.
Suno diri, isa sa mga indi niya malipatan amo ang tion sang una niya nakita si Michael sa stage sa pagperform sini sa New York.
Samtang, suno naman kay Jackie Jackson, ang pagportray ni Jaafar kay Micheal sa pelikula kaangay nga realidad ang iya nagakakit-an kun sa diin nagakalipat ini nga hinablos gali nila ang iya ginalantaw.
Ang director sa pelikula amo si Antoine Fuqua kun sa diin ini nakafocus sa pagsikat sang King of Pop, ang Jackson 5 kag tubtob sa solo career ni Michael.
Apang ginkakas naman ang pagmensyonar sang mga kontrobersiya nga aspeto sang kabuhi ni Michael angot sa child molestation allegations.
