Naghatag ang Negros Occidental Provincial Social Welfare and Development Office (PSWDO) sang hygiene kit, kitchen kit kag sleeping kit sa mga evacuees sa duha ka barangay nga apektado sang nagluntad nga sa tunga sang 79th Infantry Batallion ng Philippine Army kag New People’s Army sa Barangay Salamanca, Toboso, Negros Occidental.
Sa interview sang Bombo Radyo Bacolod kay Raquel Magbanua, Supply Officer sang Negros Occidental Provincial Social Welfare and Development Office (PSWDO), may yara sila sang dala para sa mga naapektuhan sang nagluntad engkwentro sa tunga sang militar kag rebelde sa banwa sang Toboso.
In ang ginalakipan sang 168 family food packs, 168 ka hygiene kits, 168 nga sleeping kits, kag 168 nga kitchen kit.
Nasulod sa food packs ang lima ka kilo nga bugas kag 8 canned goods, ang sleeping kits ang ginalakipan sang habol, ulunan, malong kag banig samtang ang kitchen kit ang nagaunod sang kalaha, kaldero, pinggan, kutsara kag baso.
Mensahe ni Magbanua nga kabay ang dala nila ang makabulig gid sa mga apektado nga mga residente sang armed conflict kag kabay pa matapos na ang ginapatubang sang mga ini nga krisis.
