Pag-intra sang AMLC kag pag-usisa sa SALN ni VP Sara sa House Committee on Justice hearing, “crucial” suno sa political analyst

Aminado ang political analyst nga “crucial” ang natalana nga hearing sang House Committe on Justice subong nga adlaw angot sa impeachment complaints batok kay Vice President Sara Duterte.

Ini bangod kasunod sang pagwaive ni Ramil Madriaga, ang self confessed bagman ni VP Sara nga nagaserbe nga tistigo sa impeachment complaints, sa iya nga bank records, mahimo naman mabuksan sang Anti-Laundering Money Council (AMLC).

Diri matumod kun may kamatuoran ang mga ginbuyagyag ni Madriaga sa iya nga sworn affidavit tuhoy sa mga ginpasulod nga kwarta sa iya nga bank accounts.

Suno kay Ortiz, mahimo man nga ma-ukayan ang hangkat sadto ni former Senator Antonio Trillanes III kay former President Rodrigo Duterte tuhoy sa pagbukas sang bank records.

Suno sa abogado, mahimo magserbe nga game changer ang pag-intra sang AMLC kasubong man ang gina-alegar discrepancy sa Statement of Assets, Liabilities, and Net worth (SALN) sa mangin dalagan sang 2028 elections.

Nagapati si Ortiz nga mabudlay nga maconvict si VP Sara sa Senado kun numero sang boto ang paga estoryahan, bangod manubo ang tyansa nga makakuha sang 16 votes ang prosekusyon.

Apang kun makumpirmar ang kamatuoran sa statement sang pahayag ni Madriaga sa mangin imbestigasyon sang AMLC kag SALN, mahimo nga may Senador nga magabag-o ang pinsar kag magakambyo sang boto.