21 anyos nga college student, nalumos sa suba sa banwa sang Moises Padilla

Nalumos ang 21 anyos nga lalaki nga college student matapos maligo sa Binalbagan river sa Sitio Lemonsito, Brgy Quintin Remo, Moises Padilla, Negros Occidental, sang Miyerkules, alas-11:20 sang gab-i.

Sa interview sang Bombo Radyo kay PMaj Ryan Villasario, hepe sang Moises Padilla Municipal Police Station, kapin walo sila nga mag-abyan ang naghagaray nga magpasuba apang pagdangat alas-8:30 nanotisyaran nga nadula na ang biktima.

Suno diri, ginpangita nila ang biktima kag alas-11:20 na sang gab-i nakit-an ang bangkay sang biktima sa kilid sang suba.

Suno kay Villasario, wala pa nahibaloan kun paano nalumos ang biktima apang wala man ini sang pilas.