Ginpahanumdom sang Battalion Commander sang 79th Infantry Battalion sang Philippine Army nga yara na sa urban areas ang recruitment sang New People’s Army.
Sa interview sang Bombo Radyo Bacolod kay Lt Col Eric Alfonso, commanding officer sang 79th IB, indi lamang pamatan-on ukon youth sector ang ginasulod sang NPA kasubong man ang gobyerno.
Nagapati ini nga ang plano sang NPA nga sudlon ang gobyerno agud maguba gikan sa sulod.
Samtang lakip man sa ila target ang mga pamatan-on, bangod sila ang mas mahapos mahaylo.
Sa pihak sini, ginklaro ni Alfonso nga ang mga aktibista ang wala ginakonsiderar nga terorista, kag ang mga estudyante ang indi man terorista.
Suno diri, ginarespetu sang militar ang kawsa sang mga aktibista, bangod ini ang kabahin sa democratic form of government.
Apang sa tion nga sila ang mag-uyat na sang armas, sila ang indi na lamang mga aktibista kag estudyante kundi makonsiderar na nga extremists ukon terorista.
Suno kay Alfonso, gina-into lamang sang Communist Terrorist Group kag ginapapapati sa kabutigan ang mga pamatan-on tubtob nga sila ang mag-upod na sa kabukiran para sa armado nga pagpakigbato.
Panawagan sini sa kabataan nga magfocus sa pagtuon kag maghalong sa mga ginasudlan nga organisasyon.
Panawagan man sini sa mga ginikanan nga imonitor kag giyahan ang mga kabataan.
Madumduman nga nangin kontrobersyal ang engkwentro sa Brgy Salamanca, Toboso, bangod sa 19 ka NPA members nga napatay, pila diri ang student leaders, manunudlo, human rights advocates, kasubong man local kag foreign journalists.
