Lima ka balay, nahalitan sang sunog sa Brgy Alijis kagab-i; Tatlo totally, duha partially damaged

Nagdangat sa lima ka mga panimalay ang nahalitan sa nagluntad nga sunog sa Purok Maanyag 2, Brgy. Alijis, Bacolod City pasado alas-10:00 kagab-i, May 6.

Tatlo diri ang totally damaged samtang duha naman ang partially damaged kun sa diin anum ka pamilya ukon 15 ka mga indibidwal ang apektado.

Lakip diri ang 79-anyos nga ginbawian sang kabuhi nga si Rosa Magbanua.

Ang bana sini nga si Jose Magbanua, 62-anyos ang nakaagom man sang 1st degree burn sa iya likod.

Ginabanta yara sa P35,000 ang balor sang halit sang insidente.